جیسا دکھتا ہوں اگر ویسا نہیں

جیسا دکھتا ہوں اگر ویسا نہیں

میں بھی کوئی آدمی اچھا نہیں

آگ سینے سے اٹھی تو یہ کھلا

روشنی کے تن پہ بھی کرتا نہیں

وقت کی گردن پہ پاؤں تھا مرا

آدمی سے با خدا جھگڑا نہیں

راز رکھو یار کا پانی بھرو

یہ گھڑا کچا تو ہے چکنا نہیں

جھیل میں بہنے لگی ہے چاندنی

کون کہتا ہے یہاں چشمہ نہیں

ایک حسرت سی بندھی ہے شاخ سے

لہلہاتے پھول کا جوڑا نہیں

چشم تر نے ایک دن مجھ سے کہا

آنکھ وہ کاسہ ہے جو بھرتا نہیں

ہم محبت ساتھ رکھتے ہیں عدیمؔ

اور یہی سکہ یہاں چلتا نہیں

jaisa dikhta hun agar waisa nahin

main bhi koi admi achchha nahin

ag sine se uthi to ye khula

raushni ke tan pe bhi karta nahin

waqt ki gardan pe paon tha mira

admi se ba khuda jhagra nahin

raz rakho yar ka pani bharo

ye ghara kachcha to hai chukna nahin

jhil mein bahne lagi hai chandni

kaun kahta hai yahan chashma nahin

ek hasrat si bandhi hai shakh se

lahlahate phul ka jora nahin

chashm-e-tar ne ek din mujh se kaha

ankh wo kasa hai jo bharta nahin

ham mohabbat sath rakhte hain adim

aur yahi sikka yahan chalta nahin