مری دہلیز پر بیٹھی ہوئی زانو پہ سر رکھے

مری دہلیز پر بیٹھی ہوئی زانو پہ سر رکھے

یہ شب افسوس کرنے آئی ہے کہ میرے گھر پہ

آج ہی جو مر گیا ہے دن

وہ دن ہم زاد تھا اس کا

وہ آئی ہے کہ میرے گھر میں اس کو دفن کر کے

اک دیا دہلیز پر رکھ کر

نشانی چھوڑ دے کہ محو ہے یہ قبر

اس میں دوسرا آ کر نہیں لیٹے

میں شب کو کیسے بتلاؤں

بہت سے دن مرے آنگن میں یوں آدھے ادھورے سے

کفن اوڑھے پڑے ہیں کتنے سالوں سے

جنہیں میں آج تک دفنا نہیں پایا

miri dahliz par baithi hui zanu pe sar rakhe

ye shab afsos karne ai hai ke mere ghar pe

aj hi jo mar gaya hai din

wo din ham zad tha us ka

wo ai hai ke mere ghar mein us ko dafn kar ke

ik diya dahliz par rakh kar

nishani chhor de ke mahw hai ye qabr

is mein dusra a kar nahin lete

main shab ko kaise batlaun

bahut se din mire angan mein yun adhe adhure se

kafan orhe pare hain kitne salon se

jinhen mein aj tak dafna nahin paya