تمہارے ہونٹوں کی ٹھنڈی ٹھنڈی تلاوتیں

تمہارے ہونٹوں کی ٹھنڈی ٹھنڈی تلاوتیں

جھک کے میری آنکھوں کو چھو رہی ہیں

میں اپنے ہونٹوں سے چن رہا ہوں تمہاری سانسوں کی آیتوں کو

کہ جسم کے اس حسین کعبے پہ روح سجدے بچھا رہی ہے

وہ ایک لمحہ بڑا مقدس تھا جس میں تم جنم لے رہی تھیں

وہ ایک لمحہ بڑا مقدس تھا جس میں میں جنم لے رہا تھا

یہ ایک لمحہ بڑا مقدس ہے جس کو ہم جنم دے رہے ہیں

خدا نے ایسے ہی ایک لمحے میں سوچا ہوگا

حیات تخلیق کر کے لمحے کے لمس کو جاوداں بھی کر دے!

tumhare honton ki thandi thandi tilawaten

jhuk ke meri ankhon ko chhu rahi hain

main apne honton se chun raha hun tumhari sanson ki aeton ko

ke jism ke is hasin kaabe pe ruh sajde bichha rahi hai

wo ek lamha bara muqaddas tha jis mein tum janam le rahi thin

wo ek lamha bara muqaddas tha jis mein main janam le raha tha

ye ek lamha bara muqaddas hai jis ko ham janam de rahe hain

khuda ne aise hi ek lamhe mein socha hoga

hayat takhliq kar ke lamhe ke lams ko jawedan bhi kar de!