دھندلائی ہوئی شام تھی

دھندلائی ہوئی شام تھی

السائی ہوئی سی

اور وقت بھی باسی تھا میں جب شہر میں آیا

ہر شاخ سے لپٹے ہوئے سناٹے کھڑے تھے

دیواروں سے چپکی ہوئی خاموشی پڑی تھی

راہوں میں نفس کوئی نہ پرچھائیں نہ سایہ

ان گلیوں میں کوچوں میں، اندھیرا نہ اجالا

دروازوں کے پٹ بند تھے، خالی تھے دریچے

بس وقت کے کچھ باسی سے ٹکڑے تھے، پڑے تھے

میں گھومتا پھرتا تھا سر شہر اکیلا

دروازوں پہ آواز لگاتا تھا، کوئی ہے؟

ہر موڑ پہ رک جاتا تھا شاید کوئی آئے

لیکن کوئی آہٹ، کوئی سایہ بھی نہ آیا

یہ شہر اچانک ہی مگر جاگ پڑا ہے

آوازیں حراست میں لیے مجھ کو کھڑی ہیں

آوازوں کے اس شہر میں میں قید پڑا ہوں

dhundlai hui sham thi

alsai hui si

aur waqt bhi basi tha main jab shahr mein aya

har shakh se lipte hue sannate khare the

diwaron se chipki hui khamoshi pari thi

rahon mein nafas koi na parchhain na saya

un galiyon mein kuchon mein, andhera na ujala

darwazon ke pat band the, khali the dariche

bas waqt ke kuchh basi se tukre the, pare the

main ghumta phirta tha sar shahr akela

darwazon pe awaz lagata tha, koi hai?

har mor pe ruk jata tha shayad koi ae

lekin koi ahat, koi saya bhi na aya

ye shahr achanak hi magar jag para hai

awazen hirasat mein liye mujh ko khari hain

awazon ke is shahr mein main qaid para hun