پورے کا پورا آکاش گھما کر بازی دیکھی میں نے!

پورے کا پورا آکاش گھما کر بازی دیکھی میں نے!

کالے گھر میں سورج رکھ کے

تم نے شاید سوچا تھا میرے سب مہرے پٹ جائیں گے

میں نے ایک چراغ جلا کر

اپنا رستہ کھول لیا

تم نے ایک سمندر ہاتھ میں لے کر مجھ پر ڈھیل دیا

میں نے نوح کی کشتی کے اوپر رکھ دی

کال چلا تم نے اور میری جانب دیکھا

میں نے کال کو توڑ کے لمحہ لمحہ جینا سیکھ لیا

میری خودی کو تم نے چند چمتکاروں سے مارنا چاہا

میرے اک پیادے نے تیرا چاند کا مہرہ مار لیا

موت کو شہ دے کر تم نے سمجھا تھا اب تو مات ہوئی

میں نے جسم کا خول اتار کے سونپ دیا ۔۔۔اور روح بچا لی!

پورے کا پورا آکاش گھما کر اب تم دیکھو بازی!!

pure ka pura akash ghuma kar bazi dekhi main ne!

kale ghar mein suraj rakh ke

tum ne shayad socha tha mere sab mohre pat jaenge

main ne ek charagh jala kar

apna rasta khol liya

tum ne ek samundar hath mein le kar mujh par dhil diya

main ne nuh ki kashti ke upar rakh di

kal chala tum ne aur meri janib dekha

main ne kal ko tor ke lamha lamha jina sikh liya

meri khudi ko tum ne chand chamatkaron se marna chaha

mere ik piyade ne tera chand ka mohra mar liya

maut ko shah de kar tum ne samjha tha ab to mat hui

main ne jism ka khol utar ke saunp diya...aur ruh bacha li!

pure ka pura akash ghuma kar ab tum dekho bazi!!