رات چپ چاپ دبے پاؤں چلے جاتی ہے

رات چپ چاپ دبے پاؤں چلے جاتی ہے

رات خاموش ہے روتی نہیں ہنستی بھی نہیں

کانچ کا نیلا سا گنبد ہے اڑا جاتا ہے

خالی خالی کوئی بجرا سا بہا جاتا ہے

چاند کی کرنوں میں وہ روز سا ریشم بھی نہیں

چاند کی چکنی ڈلی ہے کہ گھلی جاتی ہے

اور سناٹوں کی اک دھول اڑی جاتی ہے

کاش اک بار کبھی نیند سے اٹھ کر تم بھی

ہجر کی راتوں میں یہ دیکھو تو کیا ہوتا ہے

rat chup chap dabe paon chale jati hai

rat khamosh hai roti nahin hansti bhi nahin

kanch ka nila sa gumbad hai ura jata hai

khali khali koi bajra sa baha jata hai

chand ki kirnon mein wo roz sa resham bhi nahin

chand ki chukni dali hai ke ghuli jati hai

aur sannaton ki ik dhul uri jati hai

kash ik bar kabhi nind se uth kar tum bhi

hijr ki raton mein ye dekho to kya hota hai