وہ جو شاعر تھا، چپ سا رہتا تھا

وہ جو شاعر تھا، چپ سا رہتا تھا

بہکی بہکی سی باتیں کرتا تھا

آنکھیں کانوں پہ رکھ کے سنتا تھا

گونگی خاموشیوں کی آوازیں!

جمع کرتا تھا چاند کے سائے

گیلی گیلی سی نور کی بوندیں

اوک میں بھر کے کھڑکھڑاتا تھا

روکھے روکھے سے رات کے پتے

وقت کے اس گھنیرے جنگل میں

کچے پکے سے لمحے چنتا تھا

ہاں، وہی، وہ عجیب سا شاعر

رات کو اٹھ کے کہنیوں کے بل

چاند کی ٹھوڑی چوما کرتا ہے!!

چاند سے گر کے مر گیا ہے وہ

لوگ کہتے ہیں خود کشی کی ہے

wo jo shayar tha, chup sa rahta tha

bahki bahki si baten karta tha

ankhen kanon pe rakh ke sunta tha

gungi khamoshiyon ki awazen!

jama karta tha chand ke sae

gili gili si nur ki bunden

ok mein bhar ke kharkharata tha

rukhe rukhe se rat ke patte

waqt ke is ghanire jangal mein

kachche pake se lamhe chunta tha

han, wahi, wo ajib sa shayar

rat ko uth ke kahniyon ke bal

chand ki thori chuma karta hai!!

chand se gir ke mar gaya hai wo

log kahte hain khud kashi ki hai