روح دیکھی ہے؟

روح دیکھی ہے؟

کبھی روح کو محسوس کیا ہے؟

جاگتے جیتے ہوئے دودھیا کہرے سے لپٹ کر

سانس لیتے ہوئے اس کہرے کو محسوس کیا ہے؟

یا شکارے میں کسی جھیل پہ جب رات بسر ہو

اور پانی کے چھپاکوں میں بجا کرتی ہیں ٹلیاں

سبکیاں لیتی ہواؤں کے بھی بین سنے ہیں؟

چودھویں رات کے برفاب سے اک چاند کو جب

ڈھیر سے سائے پکڑنے کے لیے بھاگتے ہیں

تم نے ساحل پہ کھڑے گرجے کی دیوار سے لگ کر

اپنی گہناتی ہوئی کوکھ کو محسوس کیا ہے؟

جسم سو بار جلے تب بھی وہی مٹی ہے

روح اک بار جلے گی تو وہ کندن ہوگی

روح دیکھی ہے، کبھی روح کو محسوس کیا ہے؟

ruh dekhi hai?

kabhi ruh ko mahsus kya hai?

jagte jite hue dudhiya kohre se lipat kar

sans lete hue is kohre ko mahsus kya hai?

ya shakare mein kisi jhil pe jab rat basar ho

aur pani ke chhapakon mein baja karti hain tilliyan

subkiyan leti hawaon ke bhi bain sune hain?

chaudhwin rat ke barfab se ik chand ko jab

dher se sae pakarne ke liye bhagte hain

tum ne sahil pe khare garje ki diwar se lag kar

apni gahaniti hui kokh ko mahsus kya hai?

jism sau bar jale tab bhi wahi mitti hai

ruh ik bar jalegi to wo kundan hogi

ruh dekhi hai, kabhi ruh ko mahsus kya hai?