کس قدر سیدھا، سہل، صاف ہے رستہ دیکھو

کس قدر سیدھا، سہل، صاف ہے رستہ دیکھو

نہ کسی شاخ کا سایہ ہے، نہ دیوار کی ٹیک

نہ کسی آنکھ کی آہٹ، نہ کسی چہرے کا شور

دور تک کوئی نہیں، کوئی نہیں، کوئی نہیں

چند قدموں کے نشاں ہاں کبھی ملتے ہیں کہیں

ساتھ چلتے ہیں جو کچھ دور فقط چند قدم

اور پھر ٹوٹ کے گر جاتے ہیں یہ کہتے ہوئے

اپنی تنہائی لیے آپ چلو، تنہا اکیلے

ساتھ آئے جو یہاں کوئی نہیں، کوئی نہیں

کس قدر سیدھا، سہل، صاف ہے رستہ دیکھو

kis qadar sidha, sahl, saf hai rasta dekho

na kisi shakh ka saya hai, na diwar ki tek

na kisi ankh ki ahat, na kisi chehre ka shor

dur tak koi nahin, koi nahin, koi nahin

chand qadmon ke nishan han kabhi milte hain kahin

sath chalte hain jo kuchh dur faqat chand qadam

aur phir tut ke gir jate hain ye kahte hue

apni tanhai liye ap chalo, tanha akele

sath ae jo yahan koi nahin, koi nahin

kis qadar sidha, sahl, saf hai rasta dekho