رات بھر سرد ہوا چلتی رہی

رات بھر سرد ہوا چلتی رہی

رات بھر ہم نے الاؤ تاپا

میں نے ماضی سے کئی خشک سی شاخیں کاٹیں

تم نے بھی گزرے ہوئے لمحوں کے پتے توڑے

میں نے جیبوں سے نکالیں سبھی سوکھی نظمیں

تم نے بھی ہاتھوں سے مرجھائے ہوئے خط کھولے

اپنی ان آنکھوں سے میں نے کئی مانجے توڑے

اور ہاتھوں سے کئی باسی لکیریں پھینکیں

تم نے پلکوں پہ نمی سوکھ گئی تھی سو گرا دی

رات بھر جو بھی ملا اگتے بدن پر ہم کو

کاٹ کے ڈال دیا جلتے الاؤ میں اسے

رات بھر پھونکوں سے ہر لو کو جگائے رکھا

اور دو جسموں کے ایندھن کو جلائے رکھا

رات بھر بجھتے ہوئے رشتے کو تاپا ہم نے

rat bhar sard hawa chalti rahi

rat bhar ham ne alao tapa

main ne mazi se kai khushk si shakhen katen

tum ne bhi guzre hue lamhon ke patte tore

main ne jebon se nikalen sabhi sukhi nazmen

tum ne bhi hathon se murjhae hue khat khole

apni in ankhon se main ne kai manje tore

aur hathon se kai basi lakiren phenken

tum ne palkon pe nami sukh gai thi so gira di

rat bhar jo bhi mila ugte badan par ham ko

kat ke dal diya jalte alao mein use

rat bhar phunkon se har lo ko jagae rakha

aur do jismon ke indhan ko jalae rakha

rat bhar bujhte hue rishte ko tapa ham ne