سانس لینا بھی کیسی عادت ہے

سانس لینا بھی کیسی عادت ہے

جئے جانا بھی کیا روایت ہے

کوئی آہٹ نہیں بدن میں کہیں

کوئی سایہ نہیں ہے آنکھوں میں

پاؤں بے حس ہیں چلتے جاتے ہیں

اک سفر ہے جو بہتا رہتا ہے

کتنے برسوں سے کتنی صدیوں سے

جئے جاتے ہیں جئے جاتے ہیں

عادتیں بھی عجیب ہوتی ہیں

sans lena bhi kaisi adat hai

jiye jana bhi kya riwayat hai

koi ahat nahin badan mein kahin

koi saya nahin hai ankhon mein

paon be his hain chalte jate hain

ik safar hai jo bahta rahta hai

kitne barson se kitni sadiyon se

jiye jate hain jiye jate hain

adaten bhi ajib hoti hain