پھر آگہی سے یقیں کی طرف قدم نکلے

پھر آگہی سے یقیں کی طرف قدم نکلے

گمان و وہم کی جب سرحدوں سے ہم نکلے

پھر اضطراب کی لذت کہاں وصال کے بعد

خدا کرے کہ بوقت وصال دم نکلے

میں سچ کہوں تو مری خامشی نہ کہنے دے

وہ جھوٹ بولے تو بے ساختہ قسم نکلے

چھپا کے ہم نے رکھے بت جب آستینوں میں

صنم کدہ بھی نہ پھر کیوں تہ حرم نکلے

وہ کشمکش میں رہے مصلحت کی نذر ہوئے

جو لوگ اپنی شرافت میں گھر سے کم نکلے

phir agahi se yaqin ki taraf qadam nikle

guman-o-wahm ki jab sarhadon se ham nikle

phir iztirab ki lazzat kahan wisal ke baad

khuda kare ke boqat-e-wisal dam nikle

main sach kahun to miri khamushi na kahne de

wo jhut bole to be sakhta qasam nikle

chhupa ke ham ne rakhe but jab astinon mein

sanam kada bhi na phir kyun tah-e-haram nikle

wo kashmakash mein rahe maslahat ki nazr hue

jo log apni sharafat mein ghar se kam nikle