چند مخصوص عناصر سے چمن بنتا ہے

چند مخصوص عناصر سے چمن بنتا ہے

کتنی ترکیب سے پھولوں سا بدن بنتا ہے

ترے ہونٹوں کا تبسم ترے رخسار کا رنگ

کبھی جلوہ کبھی وحشت کبھی فن بنتا ہے

پھینک دیتا ہے جو انسان بہ زعم ہستی

بعد مرنے کے وہی پردہ کفن بنتا ہے

گردش وقت کو سہنے کا سلیقہ اک دن

انقلاب آنے پہ جینے کا چلن بنتا ہے

تھوڑی مٹی سے وفا فرض کا پاس امن کی چاہ

ان ہی جذبوں کو ملانے سے وطن بنتا ہے

chand makhsus anasir se chaman banta hai

kitni tarkib se phulon sa badan banta hai

tire honton ka tabassum tire rukhsar ka rang

kabhi jalwa kabhi wahshat kabhi fan banta hai

phenk deta hai jo insan ba zaam-e-hasti

baad marne ke wahi parda kafan banta hai

gardish-e-waqt ko sahne ka saliqa ik din

inqilab ane pe jine ka chalan banta hai

thori mitti se wafa farz ka pas amn ki chah

un hi jazbon ko milane se watan banta hai