میں چار سو دکھائی دوں تو چار سو ملے

میں چار سو دکھائی دوں تو چار سو ملے

یہ انتہائے عشق ہے یا ارتقائے حسن

ہر شے میں میرا رنگ ملے تیری بو ملے

جوش حیا سے پاک ہوئی آرزوئے دل

خلوت میں دو جوان بدن با وضو ملے

دو چار باتیں اور مکمل خموشیاں

ہم دونوں یوں تو دیر تلک روبرو ملے

واللہ تو تو پھول ہے پہلی بہار کا

وہ کتنا خوش نصیب ہے جس کو کہ تو ملے

یوں تو ترے خود اپنے ہی ارمان کم نہیں

اے کاش تیرے دل کو مری آرزو ملے

main char su dikhai dun to char su mile

ye intiha-e-ishq hai ya irtiqa-e-husn

har shai mein mera rang mile teri bu mile

josh-e-haya se pak hui arzu-e-dil

khalwat mein do jawan badan ba wuzu mile

do char baten aur mukammal khamoshiyan

ham donon yun to der talak rubaru mile

wallah to to phul hai pahli bahar ka

wo kitna khush nasib hai jis ko ke tu mile

yun to tire khud apne hi arman kam nahin

ai kash tere dil ko miri arzu mile