ایک رقعہ لکھیں

ایک رقعہ لکھیں

اور یوں لکھیں

ہم تو اپنے دور کی بے رنگیوں بد عہدیوں اور نفرتوں کی

مردہ تفصیلات کی زندہ کہانی اپنے خوں سے لکھ گئے

ہم کیا کریں گر اپنا خوں

کالے بدبو دار قاتل زہر ہی کی لہر تھا

اور یہ لکھیں ہمارے دور میں

سات رنگوں کی دھنک

کالے کمبل اوڑھتی تھی

اجلے اجلے چاولوں میں سنگ ریزوں کی بڑی بہتات تھی

اور ہمارے پیرہن آگ سے کترے گئے تھے

اور جو تھا کھال کے اندر پگھل کر بہہ گیا تھا

اور لکھیں یہ بھی کہ ہم تو اپنا حصہ پا چکے

اب تمہارے واسطے

سات رنگوں کی برہنہ قوس ہے

اس کو اپنے طور پر جب کبھی ترتیب دینا خون کے اک رنگ کو

چھوڑ دینا ان کے نام

جن کی رگ رگ کالے بدبو دار قاتل زہر سے بیزار تھی

پھر بھی اسے ڈھونے پہ جو مجبور تھے

جن کو اپنے جسم میں جیسے لہو کی سرخ دھار

دیکھنے کا عمر بھر ارماں رہا اور جو اپنے دور کی بے رنگیوں

کی مردہ تفصیلات کی زندہ گواہی دیتے دیتے سو گئے

ek ruqa likhen

aur yun likhen

ham to apne daur ki be rangiyon bad ahdiyon aur nafraton ki

murda tafsilat ki zinda kahani apne khun se likh gae

ham kya karen gar apna khun

kale badbu dar qatil zahr hi ki lahr tha

aur ye likhen hamare daur mein

sat rangon ki dhanak

kale kambal orhti thi

ujle ujle chawalon mein sang rezon ki bari bahutat thi

aur hamare pairahan ag se katre gae the

aur jo tha khal ke andar pighal kar bah gaya tha

aur likhen ye bhi ke ham to apna hissa pa chuke

ab tumhare waste

sat rangon ki barahna qaus hai

us ko apne taur par jab kabhi tartib dena khun ke ik rang ko

chhor dena un ke nam

jin ki rag rag kale badbu dar qatil zahr se bezar thi

phir bhi use dhone pe jo majbur the

jin ko apne jism mein jaise lahu ki surkh dhar

dekhne ka umr bhar arman raha aur jo apne daur ki be rangiyon

ki murda tafsilat ki zinda gawahi dete dete so gae