اور پھر دونوں فانوس سینے کے بجھ جائیں گے

اور پھر دونوں فانوس سینے کے بجھ جائیں گے

اوڑھ لے گی دھواں

دودھ کی دھار کی طرح اجلی نظر

ناخن پا سے زلفوں کے بادل تلک

جگمگاتی ہوئی کھال سے

خواہشوں کے پراسرار محمل تلک

ایک تحریر لکھے گی دیمک

فنا

ہر طرف بے حسی

تیرگی تیرگی

ہاں مگر صرف رخسار و لب

صرف رخسار و لب راکھ میں دابی چنگاریوں کی طرح

جگمگائیں گے

ان پر مرے اور ترے گرم بوسوں کی تحریر ہے

زندگی

اور پھر

وقت کی لمحہ لمحہ ابھرتی ہوئی سخت دیوار گر جائے گی

اور اپنے بدن

اور معمولی ناموں میں تحلیل ہو جائیں گے

نور کا پیڑ بن جائیں گے

آنے والے نئے موسموں کی ہوا

ہو کے شاخوں سے گزرے گی اور

آسمانی صداؤں میں گایا ہوا

ایک لا فانی و بیکراں گیت گونجے گا

اور گونجتا ہی رہے گا سدا

اور گونجتا ہی رہے گا سدا

aur phir donon fanus sine ke bujh jaenge

orh legi dhuan

dudh ki dhar ki tarah ujli nazar

nakhun-e-pa se zulfon ke badal talak

jagmagati hui khal se

khwahishon ke purasrar mahmil talak

ek tahrir likhegi dimak

fana

har taraf be hissi

tirgi tirgi

han magar sirf-e-rukhsar-o-lab

sirf-e-rukhsar-o-lab rakh mein dabi chingariyon ki tarah

jagmagaenge

un par mire aur tire garm boson ki tahrir hai

zindagi

aur phir

waqt ki lamha lamha ubharti hui sakht diwar gir jaegi

aur apne badan

aur maamuli namon mein tahlil ho jaenge

nur ka per ban jaenge

ane wale nae mausamon ki hawa

ho ke shakhon se guzregi aur

asmani sadaon mein gaya hua

ek la fani-o-bekaran git gunjega

aur gunjta hi rahega sada

aur gunjta hi rahega sada