وہ ایک لمحہ جو ترک تعلقات کا تھا

وہ ایک لمحہ جو ترک تعلقات کا تھا

پھر اس کے بعد کہاں کوئی پل حیات کا تھا

جو مسئلہ تھا وہ باہم ضروریات کا تھا

مرے فرار کا اور آپ کی نجات کا تھا

زباں حجاب کی لہجہ تکلفات کا تھا

لبوں کے بیچ میں پردہ مکالمات کا تھا

وہ ایک پھول جو نازک تھا سارے پھولوں میں

اسی پہ مجھ کو گماں پتھروں کی ذات کا تھا

لرزتے کانپتے سے لب جھکی جھکی سی نظر

حیا تو آج کی تھی ذکر کل کی رات کا تھا

کسی کے دل کا جنازہ اٹھا تھا بستی سے

یوں قافلہ تو کسی لوٹتی برات کا تھا

wo ek lamha jo tark-e-taalluqat ka tha

phir is ke baad kahan koi pal hayat ka tha

jo masala tha wo baham zururiyyat ka tha

mire farar ka aur ap ki najat ka tha

zaban hijab ki lahja takallufat ka tha

labon ke bich mein parda mukalamat ka tha

wo ek phul jo nazuk tha sare phulon mein

usi pe mujh ko guman pattharon ki zat ka tha

larazte kanpte se lab jhuki jhuki si nazar

haya to aj ki thi zikr kal ki rat ka tha

kisi ke dil ka janaza utha tha basti se

yun qafila to kisi lautti barat ka tha