سنو تمہارا جرم تمہاری کمزوری ہے

سنو تمہارا جرم تمہاری کمزوری ہے

اپنے جرم پہ

رنگ برنگے لفظوں کی بے جان ردائیں مت ڈالو

سنو تمہارے خواب تمہارا جرم نہیں ہیں

تم خوابوں کی تعبیر سے ڈر کر

لفظوں کی تاریک گپھا میں چھپ رہنے کے مجرم ہو

تم نے ہواؤں کے زینے پر

پاؤں رکھ کر

قوس قزح کے رنگ سمیٹے

اور خلاؤں میں اڑتے

فرضی تاروں سیاروں کی باتیں کیں

تم مجرم ہو اس ننھی کونپل کے جس نے

صبح کی پہلی شوخ کرن سے سرگوشی کی

تم مجرم ہو اس آنگن کے جس میں شاید

اب بھی تمہارے بچپن کی معصوم شرارت زندہ ہے

تم مجرم ہو تم نے اپنے پاؤں سے لپٹی مٹی کو

ایک اضافی چیز سمجھ کر جھاڑ دیا

suno tumhara jurm tumhari kamzori hai

apne jurm pe

rang barange lafzon ki be jan ridaen mat dalo

suno tumhare khwab tumhara jurm nahin hain

tum khwabon ki taabir se dar kar

lafzon ki tarik gupha mein chhup rahne ke mujrim ho

tum ne hawaon ke zine par

paon rakh kar

qaus-e-quzah ke rang samete

aur khalaon mein urte

farzi tarun sayyaron ki baten kin

tum mujrim ho is nanhi konpal ke jis ne

subh ki pahli shokh kiran se sargoshi ki

tum mujrim ho is angan ke jis mein shayad

ab bhi tumhare bachpan ki maasum shararat zinda hai

tum mujrim ho tum ne apne paon se lipti mitti ko

ek izafi chiz samajh kar jhar diya