اب کی بار ملو جب مجھ سے

اب کی بار ملو جب مجھ سے

پہلی اور بس آخری بار

ہنس کر ملنا

پیار بھری نظروں سے تکنا

ایسے ملنا

جیسے ازل سے

میرے لیے تم سرگرداں تھے

بحر تھا میں تم موج رواں تھے

پہلی اور بس آخری بار

ایسے ملنا

جیسے تم خود مجھ پہ فدا ہو

جیسے مجسم مہر وفا ہو

جیسے بت ہو تم نہ خدا ہو

ab ki bar milo jab mujh se

pahli aur bas akhiri bar

hans kar milna

pyar bhari nazron se takna

aise milna

jaise azal se

mere liye tum sargardan the

bahr tha main tum mauj-e-rawan the

pahli aur bas akhiri bar

aise milna

jaise tum khud mujh pe fida ho

jaise mujassam mehr wafa ho

jaise but ho tum na khuda ho