یہ شہر آفتوں سے تو خالی کوئی نہ تھا

یہ شہر آفتوں سے تو خالی کوئی نہ تھا

جب ہم سخی ہوئے تو سوالی کوئی نہ تھا

لکھا ہے داستاں میں کہ گلشن اجڑتے وقت

گلچیں بے شمار تھے مالی کوئی نہ تھا

اس دشت میں مرا ہی ہیولیٰ تھا ہر طرف

میں نے ہی شمع عشق جلا لی کوئی نہ تھا

جلسے اجڑ گئے تھے کسی خود فریب کے

خود ہی بجا رہا تھا وہ تالی کوئی نہ تھا

تابشؔ ہر ایک دل میں شرارے تھے قہر کے

ہو پاس جس کے سوز بلالی کوئی نہ تھا

ye shahr afaton se to khali koi na tha

jab ham sakhi hue to sawali koi na tha

likha hai dastan mein ke gulshan ujarte waqt

gulchin be shumar the mali koi na tha

is dasht mein mira hi hayula tha har taraf

main ne hi shama ishq jala li koi na tha

jalse ujar gae the kisi khud fareb ke

khud hi baja raha tha wo tali koi na tha

tabish har ek dil mein sharare the qahr ke

ho pas jis ke soz bilali koi na tha