یقیں سے جو گماں کا فاصلہ ہے

یقیں سے جو گماں کا فاصلہ ہے

زمیں سے آسماں کا فاصلہ ہے

ہوا پیمائی کی خواہش ہے اتنی

کہ جتنا بادباں کا فاصلہ ہے

خیالات اس قدر ہیں مختلف کیوں

ہمارے درمیاں کا فاصلہ ہے

کوئی اظہار کر سکتا ہے کیسے

یہ لفظوں سے زباں کا فاصلہ ہے

میں اس تک کس طرح پہنچوں گا تابشؔ

یہاں سے اس جہاں کا فاصلہ ہے

yaqin se jo guman ka fasla hai

zamin se asman ka fasla hai

hawa paimai ki khwahish hai itni

ke jitna badban ka fasla hai

khayalat is qadar hain mukhtalif kyun

hamare darmiyan ka fasla hai

koi izhar kar sakta hai kaise

ye lafzon se zaban ka fasla hai

main us tak kis tarah pahunchunga tabish

yahan se is jahan ka fasla hai