کیا کہوں وہ کدھر نہیں رہتا

کیا کہوں وہ کدھر نہیں رہتا

ہاں مگر اس نگر نہیں رہتا

تو ہو تیرا خیال ہو یا خواب

کوئی بھی رات بھر نہیں رہتا

جب سکوں ہی نہ دے سکے تو پھر

گھر کسی طور گھر نہیں رہتا

جس گھڑی چاہو تم چلے آؤ

میں کوئی چاند پر نہیں رہتا

یوں تو اپنی بھی جستجو ہے مجھے

تجھ سے بھی بے خبر نہیں رہتا

دل فگاروں کے شہر میں تابشؔ

ایک بھی بخیہ گر نہیں رہتا

kya kahun wo kidhar nahin rahta

han magar is nagar nahin rahta

to ho tera khayal ho ya khwab

koi bhi rat bhar nahin rahta

jab sukun hi na de sake to phir

ghar kisi taur ghar nahin rahta

jis ghari chaho tum chale ao

main koi chand par nahin rahta

yun to apni bhi justuju hai mujhe

tujh se bhi be khabar nahin rahta

dil figaron ke shahr mein tabish

ek bhi bakhiya gar nahin rahta