میں کہ ہوں پیاس کے دریا کی تڑپتی ہوئی موج

میں کہ ہوں پیاس کے دریا کی تڑپتی ہوئی موج

پی چکا ہوں میں سمندر کا سمندر پھر بھی

ایک اک قطرۂ شبنم کو ترس جاتا ہوں

قطرۂ شبنم اشک

قطرۂ شبنم دل خون جگر

قطرۂ نیم نظر

یا ملاقات کے لمحوں کے سنہری قطرے

جو نگاہوں کی حرارت سے ٹپک پڑتے ہیں

اور پھر لمس کے نور

اور پھر بات کی خوشبو میں بدل جاتے ہیں

مجھ کو یہ قطرۂ شاداب بھی چکھ لینے دو

دل میں یہ گوہر نایاب بھی رکھ لینے دو

خشک ہیں ہونٹ مرے خشک زباں ہے میری

خشک ہے درد، کا نغمے کا گلو

میں اگر پی نہ سکا وقت کا یہ آب حیات

پیاس کی آگ میں ڈرتا ہوں کہ جل جاؤں گا

main ke hun pyas ke dariya ki tarapti hui mauj

pi chuka hun main samundar ka samundar phir bhi

ek ik qatra-e-shabnam ko taras jata hun

qatra-e-shabnam-e-ashk

qatra-e-shabnam dil khun-e-jigar

qatra-e-nim nazar

ya mulaqat ke lamhon ke sunahri qatre

jo nigahon ki hararat se tapak parte hain

aur phir lams ke nur

aur phir bat ki khushbu mein badal jate hain

mujh ko ye qatra-e-shadab bhi chakh lene do

dil mein ye gauhar-e-nayab bhi rakh lene do

khushk hain hont mire khushk zaban hai meri

khushk hai dard, ka naghme ka galo

main agar pi na saka waqt ka ye ab-e-hayat

pyas ki ag mein darta hun ke jal jaunga