مری رگوں میں چہکتے ہوئے لہو کو سنو

مری رگوں میں چہکتے ہوئے لہو کو سنو

ہزاروں لاکھوں ستاروں نے ساز چھیڑا ہے

ہر ایک بوند میں آفاق گنگناتے ہیں

یہ شرق و غرب شمال و جنوب پست و بلند

لہو میں غرق ہیں اور شش جہات کا آہنگ

زمیں کی پینگ طلوع نجوم و شمس و قمر

غروب شام زوال شب و نمود سحر

تمام عالم رعنائی بزم برنائی

کنول کی طرح کھلے ہیں لہو کی جھیلوں میں

ہے کائنات مرے دل کی دھڑکنوں میں اسیر

میں ایک ذرہ بساط نظام شمسی پر

میں ایک نقطہ سر کائنات وہم و شعور

ایک قطرہ انا البحر ہے صدا میری

میں کائنات میں تنہا ہوں آفتاب کی طرح

مرے لہو میں رواں وید بھی ہیں قرآں بھی

شجر حجر بھی ہیں صحرا بھی ہیں گلستاں بھی

کہ میں ہوں وارث تاریخ عصر انسانی

قدم قدم پہ جہنم قدم قدم پہ بہشت

miri ragon mein chahakte hue lahu ko suno

hazaron lakhon sitaron ne saz chhera hai

har ek bund mein afaq gungunate hain

ye sharq-o-gharb shumal-o-junub past-o-buland

lahu mein gharq hain aur shash jihat ka ahang

zamin ki ping tulu-e-nujum-o-shams-o-qamar

ghurub-e-sham zawal-e-shab-o-numud-e-sahar

tamam alam raanai-e-bazm-e-barnai

kanwal ki tarah khule hain lahu ki jhilon mein

hai kainat mire dil ki dharkanon mein asir

main ek zarra bisat-e-nizam-e-shamsi par

main ek nuqta sar kainat wahm-o-shuur

ek qatra ana albahr hai sada meri

main kainat mein tanha hun aftab ki tarah

mire lahu mein rawan wed bhi hain quran bhi

shajar hajar bhi hain sahra bhi hain gulistan bhi

ke main hun waris tarikh asr-e-insani

qadam qadam pe jahannam qadam qadam pe bahisht