ابھی ابھی مری بے خوابیوں نے دیکھی ہے

ابھی ابھی مری بے خوابیوں نے دیکھی ہے

فضائے شب میں ستاروں کی آخری پرواز

خبر نہیں کہ اندھیرے کے دل کی دھڑکن ہے

کہ آ رہی ہے اجالوں کے پاؤں کی آواز

بتاؤں کیا تجھے نغموں کے کرب کا عالم

لہو لہان ہوا جا رہا ہے سینۂ ساز

abhi abhi miri be khwabiyon ne dekhi hai

faza-e-shab mein sitaron ki akhiri parwaz

khabar nahin ke andhere ke dil ki dharkan hai

ke a rahi hai ujalon ke paon ki awaz

bataun kya tujhe naghmon ke karb ka alam

lahu luhan hua ja raha hai sina-e-saz