ہمارا ڈوبنا مشکل نہیں تھا

ہمارا ڈوبنا مشکل نہیں تھا

نظر میں دور تک ساحل نہیں تھا

کہاں تھا گفتگو کرتے ہوئے وہ

وہ تھا بھی تو سر محفل نہیں تھا

میں اس کو سب سے بہتر جانتا ہوں

جسے میرا پتہ حاصل نہیں تھا

زمانے سے الگ تھی میری دنیا

میں اس کی دوڑ میں شامل نہیں تھا

وہ پتھر بھی تھا کتنا خوبصورت

جو آئینہ تھا لیکن دل نہیں تھا

ہم اس دھرتی کے باشندے تھے تابشؔ

کہ جس کا کوئی مستقبل نہیں تھا

hamara dubna mushkil nahin tha

nazar mein dur tak sahil nahin tha

kahan tha guftugu karte hue wo

wo tha bhi to sar-e-mahfil nahin tha

main us ko sab se behtar janta hun

jise mera pata hasil nahin tha

zamane se alag thi meri duniya

main us ki daur mein shamil nahin tha

wo patthar bhi tha kitna khubsurat

jo aina tha lekin dil nahin tha

ham is dharti ke bashinde the tabish

ke jis ka koi mustaqbil nahin tha