کب کھلے گا کہ فلک پار سے آگے کیا ہے

کب کھلے گا کہ فلک پار سے آگے کیا ہے

کس کو معلوم کہ دیوار سے آگے کیا ہے

ایک طرہ سا تو میں دیکھ رہا ہوں لیکن

کوئی بتلائے کہ دستار سے آگے کیا ہے

ظلم یہ ہے کہ یہاں بکتا ہے یوسف بے دام

اور نہیں جانتا بازار سے آگے کیا ہے

سر میں سودا ہے کہ اک بار تو دیکھوں جا کر

سر میدان سجی دار سے آگے کیا ہے

جس نے انساں سے محبت ہی نہیں کی تابشؔ

اس کو کیا علم کہ پندار سے آگے کیا ہے

kab khulega ke falak par se age kya hai

kis ko maalum ke diwar se age kya hai

ek turra sa to main dekh raha hun lekin

koi batlae ke dastar se age kya hai

zulm ye hai ke yahan bikta hai yusuf-e-be dam

aur nahin janta bazar se age kya hai

sar mein sauda hai ke ik bar to dekhun ja kar

sar-e-maidan saji dar se age kya hai

jis ne insan se mohabbat hi nahin ki tabish

us ko kya ilm ke pindar se age kya hai