اٹھو ہند کے باغبانو اٹھو

اٹھو ہند کے باغبانو اٹھو

اٹھو انقلابی جوانو اٹھو

کسانوں اٹھو کامگارو اٹھو

نئی زندگی کے شرارو اٹھو

اٹھو کھیلتے اپنی زنجیر سے

اٹھو خاک بنگال و کشمیر سے

اٹھو وادی و دشت و کہسار سے

اٹھو سندھ و پنجاب و ملبار سے

اٹھو مالوے اور میوات سے

مہاراشٹر اور گجرات سے

اودھ کے چمن سے چہکتے اٹھو

گلوں کی طرح سے مہکتے اٹھو

اٹھو کھل گیا پرچم انقلاب

نکلتا ہے جس طرح سے آفتاب

اٹھو جیسے دریا میں اٹھتی ہے موج

اٹھو جیسے آندھی کی بڑھتی ہے فوج

اٹھو برق کی طرح ہنستے ہوئے

کڑکتے گرجتے برستے ہوئے

غلامی کی زنجیر کو توڑ دو

زمانے کی رفتار کو موڑ دو

utho hind ke baghbano utho

utho inqilabi jawano utho

kisanon utho kamgaro utho

nai zindagi ke shararo utho

utho khelte apni zanjir se

utho khak bangal-o-kashmir se

utho wadi-o-dasht-o-kohsar se

utho sandh-o-panjab-o-milbar se

utho malwe aur mewat se

meharashtar aur gajarat se

awadh ke chaman se chahakte utho

gulon ki tarah se mahakte utho

utho khul gaya parcham inqilab

nikalta hai jis tarah se aftab

utho jaise dariya mein uthti hai mauj

utho jaise andhi ki barhti hai fauj

utho barq ki tarah hanste hue

karakte garajte baraste hue

ghulami ki zanjir ko tor do

zamane ki raftar ko mor do