تم نہیں آئے تھے جب تب بھی تو موجود تھے تم

تم نہیں آئے تھے جب تب بھی تو موجود تھے تم

آنکھ میں نور کی اور دل میں لہو کی صورت

درد کی لو کی طرح پیار کی خوشبو کی طرح

بے وفا وعدوں کی دل داری کا انداز لیے

تم نہیں آئے تھے جب تب بھی تو تم آئے تھے

رات کے سینے میں مہتاب کے خنجر کی طرح

صبح کے ہاتھ میں خورشید کے ساغر کی طرح

شاخ خوں رنگ تمنا میں گل تر کی طرح

تم نہیں آؤ گے جب تب بھی تو تم آؤ گے

یاد کی طرح دھڑکتے ہوئے دل کی صورت

غم کے پیمانۂ سر شار کو چھلکاتے ہوئے

برگ ہائے لب و رخسار کو مہکاتے ہوئے

دل کے بجھتے ہوئے انگارے کو دہکاتے ہوئے

زلف در زلف بکھر جائے گا پھر رات کا رنگ

شب تنہائی میں بھی لطف ملاقات کا رنگ

روز لائے گی صبا کوئے صباحت سے پیام

روز گائے گی سحر تہنیت جشن فراق

آؤ آنے کی کریں باتیں کہ تم آئے ہو

اب تم آئے ہو تو میں کون سی شے نذر کرو

کہ مرے پاس بجز مہر و وفا کچھ بھی نہیں

ایک خوں گشتہ تمنا کے سوا کچھ بھی نہیں

tum nahin ae the jab tab bhi to maujud the tum

ankh mein nur ki aur dil mein lahu ki surat

dard ki lau ki tarah pyar ki khushbu ki tarah

be wafa waadon ki dil dari ka andaz liye

tum nahin ae the jab tab bhi to tum ae the

rat ke sine mein mahtab ke khanjar ki tarah

subh ke hath mein khurshid ke saghar ki tarah

shakh-e-khun rang-e-tamanna mein gul-e-tar ki tarah

tum nahin aoge jab tab bhi to tum aoge

yad ki tarah dharakte hue dil ki surat

gham ke paimana-e-sar shar ko chhalkate hue

barg ha-e-lab-o-rukhsar ko mahkate hue

dil ke bujhte hue angare ko dahkate hue

zulf dar zulf bikhar jaega phir rat ka rang

shab-e-tanhai mein bhi lutf mulaqat ka rang

roz laegi saba ku-e-sabahat se payam

roz gaegi sahar tahniyat-e-jashn-e-firaq

ao ane ki karen baten ke tum ae ho

ab tum ae ho to main kaun si shai nazr karo

ke mire pas bajuz mehr-o-wafa kuchh bhi nahin

ek khun gashta tamanna ke siwa kuchh bhi nahin