نہ زہر خندہ لبوں پر، نہ آنکھ میں آنسو

نہ زہر خندہ لبوں پر، نہ آنکھ میں آنسو

نہ زخم ہائے دروں کو ہے جستجوئے مآل

نہ تیرگی کا تلاطم، نہ سیل رنگ و نور

نہ خار زار تمنا میں گمرہی کا خیال

نہ آتش گل لالہ کا داغ سینے میں

نہ شورش غم پنہاں نہ آرزوئے وصال

نہ اشتیاق، نہ حیرت، نہ اضطراب، نہ سوگ

سکوت شام میں کھوئی ہوئی کہانی کا

طویل رات کی تنہائیاں نہیں بے رنگ

ابھی ہوا نہیں شاید لہو جوانی کا

حیات و موت کی حد میں ہیں ولولے چپ چاپ

گزر رہے ہیں دبے پاؤں قافلے چپ چاپ

na zahr khanda labon par, na ankh mein ansu

na zakhm ha-e-darun ko hai justuju-e-maal

na tirgi ka talatum, na sail-e-rang-o-nur

na khar zar-e-tamanna mein gumrahi ka khayal

na atish-e-gul lala ka dagh sine mein

na shorish-e-gham pinhan na arzu-e-wisal

na ishtiyaq, na hairat, na iztirab, na sog

sukut-e-sham mein khoi hui kahani ka

tawil rat ki tanhaiyan nahin be rang

abhi hua nahin shayad lahu jawani ka

hayat-o-maut ki had mein hain walwale chup chap

guzar rahe hain dabe paon qafile chup chap