ہم کتنا روئے تھے جب اک دن سوچا تھا ہم مر جائیں گے

ہم کتنا روئے تھے جب اک دن سوچا تھا ہم مر جائیں گے

اور ہم سے ہر نعمت کی لذت کا احساس جدا ہو جائے گا

چھوٹی چھوٹی چیزیں جیسے شہد کی مکھی کی بھن بھن

چڑیوں کی چوں چوں کوؤں کا ایک اک تنکا چننا

نیم کی سب سے اونچی شاخ پہ جا کر رکھ دینا اور گھونسلہ بننا

سڑکیں کوٹنے والے انجن کی چھک چھک بچوں کا دھول اڑانا

آدھے ننگے مزدوروں کو پیاز سے روٹی کھاتے دیکھے جانا

یہ سب لا یعنی بیکار مشاغل بیٹھے بیٹھے ایک دم چھن جائیں گے

ہم کتنا روئے تھے جب پہلی بار یہ خطرہ اندر جاگا تھا

اس گردش کرنے والی دھرتی سے رشتہ ٹوٹے گا ہم جامد ہو جائیں گے

لیکن کب سے لب ساکت ہیں دل کی ہنگامہ آرائی کی

برسوں سے آواز نہیں آئی اور اس مرگ مسلسل پر

ان کم مایہ آنکھوں سے اک قطرہ آنسو بھی تو نہیں ٹپکا

ham kitna roe the jab ik din socha tha ham mar jaenge

aur ham se har nemat ki lazzat ka ehsas juda ho jaega

chhoti chhoti chizen jaise shahd ki makkhi ki bhan bhan

chiriyon ki chun chun koon ka ek ik tinka chunna

nim ki sab se unchi shakh pe ja kar rakh dena aur ghonsla banna

sarken kutne wale anjan ki chhak chhak bachchon ka dhul urana

adhe nange mazduron ko piyaz se roti khate dekhe jana

ye sab la yaani bekar mashaghil baithe baithe ek dam chhin jaenge

ham kitna roe the jab pahli bar ye khatra andar jaga tha

is gardish karne wali dharti se rishta tutega ham jamid ho jaenge

lekin kab se lab sakit hain dil ki hangama arai ki

barson se awaz nahin ai aur is marg musalsal par

un kam maya ankhon se ik qatra ansu bhi to nahin tapka