ایسے ہی بیٹھے ادھر بھیا تھے دائیں جانب

ایسے ہی بیٹھے ادھر بھیا تھے دائیں جانب

ان کے نزدیک بڑی آپا شبانہ کو لیے

اپنی سسرال کے کچھ قصے لطیفے باتیں

یوں سناتی تھیں ہنسے پڑتے تھے سب

سامنے اماں وہیں کھولے پٹاری اپنی

منہ بھرے پان سے سمدھن کی انہیں باتوں پر

جھنجھلاتی تھیں کبھی طنز سے کچھ کہتی تھیں

ہم کو گھیرے ہوئے بیٹھی تھیں نعیمہ شہناز

وقفہ وقفہ سے کبھی دونوں میں چشمک ہوتی

حسب معمول سنبھالے ہوئے خانہ داری

منجھلی آپا کبھی آتی کبھی جاتی تھیں

ہم سے دور ابا اسی کمرے کے اک کونے میں

کاغذات اپنے اراضی کے لیے بیٹھے تھے

یک بیک شور ہوا ملک نیا ملک بنا

اور اک آن میں محفل ہوئی درہم برہم

آنکھ جو کھولی تو دیکھا کہ زمیں لال ہے سب

تقویت ذہن نے دی ٹھہرو نہیں خون نہیں

پان کی پیک ہے یہ اماں نے تھوکی ہوگی

aise hi baithe idhar bhayya the daen janib

un ke nazdik bari apa shabana ko liye

apni susral ke kuchh qisse latife baten

yun sunati thin hanse parte the sab

samne aman wahin khole pitari apni

munh bhare pan se samdhun ki unhen baton par

jhanjhlati thin kabhi tanz se kuchh kahti thin

ham ko ghere hue baithi thin naimah shahnaz

waqfa waqfa se kabhi donon mein chashmak hoti

hasb-e-maamul sambhale hue khana dari

manjhli apa kabhi ati kabhi jati thin

ham se dur abba isi kamre ke ik kone mein

kaghazat apne arazi ke liye baithe the

yak bayak shor hua mulk naya mulk bana

aur ik an mein mahfil hui dirham barham

ankh jo kholi to dekha ke zamin lal hai sab

taqwiyat zehn ne di thahro nahin khun nahin

pan ki pik hai ye aman ne thuki hogi