اٹھاؤ ہاتھ کہ دست دعا بلند کریں

اٹھاؤ ہاتھ کہ دست دعا بلند کریں

ہماری عمر کا اک اور دن تمام ہوا

خدا کا شکر بجا لائیں آج کے دن بھی

نہ کوئی واقعہ گزرا نہ ایسا کام ہوا

زباں سے کلمۂ حق راست کچھ کہا جاتا

ضمیر جاگتا اور اپنا امتحاں ہوتا

خدا کا شکر بجا لائیں آج کا دن بھی

اسی طرح سے کٹا منہ اندھیرے اٹھ بیٹھے

پیالی چائے کی پی خبریں دیکھیں ناشتہ پر

ثبوت بیٹھے بصیرت کا اپنی دیتے رہے

بخیر و خوبی پلٹ آئے جیسے شام ہوئی

اور اگلے روز کا موہوم خوف دل میں لیے

ڈرے ڈرے سے ذرا بال پڑ نہ جائے کہیں

لیے دیے یونہی بستر میں جا کے لیٹ گئے

uthao hath ke dast-e-dua buland karen

hamari umr ka ik aur din tamam hua

khuda ka shukr baja laen aj ke din bhi

na koi waqia guzra na aisa kam hua

zaban se kalima-e-haq rast kuchh kaha jata

zamir jagta aur apna imtihan hota

khuda ka shukr baja laen aj ka din bhi

isi tarah se kata munh andhere uth baithe

piyali chae ki pi khabren dekhen nashta par

subut baithe basirat ka apni dete rahe

bakhair-o-khubi palat ae jaise sham hui

aur agle roz ka mauhum khauf dil mein liye

dare dare se zara bal par na jae kahin

liye diye yunhi bistar mein ja ke let gae