غنودگی سی رہی طاری عمر بھر ہم پر

غنودگی سی رہی طاری عمر بھر ہم پر

یہ آرزو ہی رہی تھوڑی دیر سو لیتے

خلش ملی ہے مجھے اور کچھ نہیں اب تک

ترے خیال سے اے کاش درد دھو لیتے

مرے عزیزو مرے دوستو گواہ رہو

برہ کی رات کٹی آمد سحر نہ ہوئی

شکستہ پا ہی سہی ہم سفر رہا پھر بھی

امید ٹوٹی کئی بار منتشر نہ ہوئی

ہیولیٰ کیسے بدلتا ہے وقت حیراں ہوں

فریب اور نہ کھائے نگاہ ڈرتا ہوں

یہ زندگی بھی کوئی زندگی ہے پل پل میں

ہزار بار سنبھلتا ہوں اور مرتا ہوں

وہ لوگ جن کو مسافر نواز کہتے تھے

کہاں گئے کہ یہاں اجنبی ہیں ساتھی بھی

وہ سایہ دار شجر جو سنا تھا راہ میں ہیں

سب آندھیوں نے گرا ڈالے اب کہاں جائیں

یہ بوجھ اور نہیں اٹھتا کچھ سبیل کرو

چلو ہنسیں گے کہیں بیٹھ کر زمانے پر

ghunudagi si rahi tari umr bhar ham par

ye arzu hi rahi thori der so lete

khalish mili hai mujhe aur kuchh nahin ab tak

tire khayal se ai kash dard dho lete

mire azizo mire dosto gawah raho

barra ki rat kati amad sahar na hui

shikasta pa hi sahi ham safar raha phir bhi

umid tuti kai bar muntashir na hui

hayula kaise badalta hai waqt hairan hun

fareb aur na khae nigah darta hun

ye zindagi bhi koi zindagi hai pal pal mein

hazar bar sambhalta hun aur marta hun

wo log jin ko musafir nawaz kahte the

kahan gae ke yahan ajnabi hain sathi bhi

wo saya dar shajar jo suna tha rah mein hain

sab andhiyon ne gira dale ab kahan jaen

ye bojh aur nahin uthta kuchh sabil karo

chalo hansenge kahin baith kar zamane par