اس بھرے شہر میں کوئی ایسا نہیں

اس بھرے شہر میں کوئی ایسا نہیں

جو مجھے راہ چلتے کو پہچان لے

اور آواز دے او بے او سرپھرے

دونوں اک دوسرے سے لپٹ کر وہیں

گرد و پیش اور ماحول کو بھول کر

گالیاں دیں ہنسیں ہاتھاپائی کریں

پاس کے پیڑ کی چھاؤں میں بیٹھ کر

گھنٹوں اک دوسرے کی سنیں اور کہیں

اور اس نیک روحوں کے بازار میں

میری یہ قیمتی بے بہا زندگی

ایک دن کے لیے اپنا رخ موڑ لے

is bhare shahr mein koi aisa nahin

jo mujhe rah chalte ko pahchan le

aur awaz de o be o sarphire

donon ik dusre se lipat kar wahin

gard-o-pesh aur mahaul ko bhul kar

galiyan den hansen hathupai karen

pas ke per ki chhaon mein baith kar

ghanton ik dusre ki sunen aur kahin

aur is nek ruhon ke bazar mein

meri ye qimti be baha zindagi

ek din ke liye apna rukh mor le