شکستہ سورج کے سارے ٹکڑوں کو
Adil Mansuri (1936–2008)شکستہ سورج کے سارے ٹکڑوں کو
کچے دھاگے سے باندھتا ہوں
رگوں میں پٹرول پھیلتا ہے تو
خالی جیبوں سے چاند تارے نکالتا ہوں
افق کی گردن پہ پاؤں رکھ کر
میں جب بھی سرحد پھلانگتا ہوں
ہزاروں ناخن
خلا میں مجھ کو دبوچتے ہیں
ہزاروں ناخن
اتار لیتے ہیں کھال میری
ہزاروں ناخن
مری رگوں میں گرہ لگا کر
اسی سے سورج کے سارے ٹکڑوں کو باندھتے ہیں
ہزاروں ناخن
مرے بدن کی شکستہ سرحد پھلانگتے ہیں
shikasta suraj ke sare tukron ko
kachche dhage se bandhta hun
ragon mein pitrol phailta hai tu
khali jebon se chand tare nikalta hun
ufuq ki gardan pe paon rakh kar
main jab bhi sarhad phalangta hun
hazaron nakhun
khala mein mujh ko dabochte hain
hazaron nakhun
utar lete hain khal meri
hazaron nakhun
miri ragon mein girah laga kar
usi se suraj ke sare tukron ko bandhte hain
hazaron nakhun
mire badan ki shikasta sarhad phalangte hain