پل کے اس سرے سے آتی ہوئی

پل کے اس سرے سے آتی ہوئی

انگشت چہرے والی بد صورت عورت کے

لٹکے ہوئے پستانوں پر

بھنبھناتی مکھیوں کی مری ہوئی آنکھوں میں

سوکھی ندی کے ادھ موے مینڈکوں کی سرسراہٹ

لنگڑے بھکاری کی پسلیوں کے درمیان

ہانپتی اکنیوں کی

کشکولی کھانسی کی میلی شکنوں میں

رینگتے بچھوؤں کے سائے

بسوں ٹیکسیوں اور رکشاؤں کے پھسلتے پہیوں تلے

دوڑتی سڑکوں کی ریڑھ کی ہڈیوں میں

بکھرتی ہوئی تیرگی کا کھردرا لمس

میری کھڑکی کی

چوکور اداسی کے پیلے دانتوں پر

جمی ہوئی پیڑھیوں کو کھرچنے کی

ایک اور ناکام کوشش کی

سیاہیوں میں گم ہو جاتے ہیں

pal ke is sire se ati hui

angishat chehre wali bad surat aurat ke

latke hue pistanon par

bhimbhinati makkhiyon ki miri hui ankhon mein

sukhi nadi ke adh mue mendakon ki sarsarahat

langre bhikari ki pasliyon ke darmiyan

hanpti ikanniyon ki

kashkoli khansi ki maili shiknon mein

rengte bichchhuon ke sae

basun taiksiyon aur rakshaon ke phisalte pahiyon tale

daurti sarkon ki rirh ki haddiyon mein

bikharti hui tirgi ka khurdara lams

meri khirki ki

chaukor udasi ke pile danton par

jami hui pirhiyon ko khurachne ki

ek aur nakam koshish ki

siyahiyon mein gum ho jate hain