اسے گیند کی نرم گولائی اپنی طرف کھینچتی تھی

اسے گیند کی نرم گولائی اپنی طرف کھینچتی تھی

وہ پیدا ہوا تھا تو

میں نے ہی کانوں میں دی تھی اذاں

وہ لاری کے پہیوں کی گولائیاں

ناپنا چاہتا تھا

اسے ہسپتالی فرشتوں نے

سٹریچر سے نیچے اتارا

میں لمحوں کو

آنکھوں سے ٹانکے لگانے میں مصروف

کرسی میں بیٹھا ہوا تھا

ادھر پیر سے خون کی کمسنی پھوٹتی تھی

آپریشن تھئیٹر میں

چیخوں کے سایوں کے ملبوس اترے

افق کی ہتھیلی سے سورج نہ ابھرے

use gend ki narm golai apni taraf khinchti thi

wo paida hua tha to

main ne hi kanon mein di thi azan

wo lari ke pahiyon ki golaiyan

napna chahta tha

use haspatali farishton ne

sitrichar se niche utara

main lamhon ko

ankhon se tanke lagane mein masruf

kursi mein baitha hua tha

idhar pir se khun ki kamsini phutti thi

apreshan thitar mein

chikhon ke sayon ke malbus utre

ufuq ki hatheli se suraj na ubhre