پتھروں پر جمی ہوئی نظریں

پتھروں پر جمی ہوئی نظریں

گاڑھا سیال لمحہ لمحہ رواں

پھیلتی بو فضا میں، ناک سڑاندھ

آسماں سے برس رہے مینڈک

گرتے ہیں گر کے پھر سنبھلتے ہیں

گاڑھے سیال میں پھدکتے ہیں

اور سورج کی سرخ آنکھوں میں

کائی کی پرتیں جمتی جاتی ہیں

بند دروازے پر صبا دستک

کوئی آتا نہ کوئی جاتا ہے

بند دروازہ مسکراتا ہے

pattharon par jami hui nazren

garha sayyal lamha lamha rawan

phailti bu faza mein, nak saranidh

asman se baras rahe mendak

girte hain gir ke phir sambhalte hain

garhe sayyal mein phudakte hain

aur suraj ki surkh ankhon mein

kai ki paraten jamti jati hain

band darwaze par saba dastak

koi ata na koi jata hai

band darwaza muskurata hai