وقت کی ریت پہ سورج نے لہو تھوکا پھر

وقت کی ریت پہ سورج نے لہو تھوکا پھر

ساعتیں کوڑا کے داغوں میں نہا کر نکلیں

مچھلیاں لمس کے ہاتھوں میں گھڑی بھر نہ رکیں

ہڈیاں خواب کے کتوں نے چبائیں شب بھر

ہجرتیں اپنے مقدر میں لہو چہرہ ہیں

کون خمیازہ بھگتنے کی سلاخیں چاٹے

کون زنجیر کے حلقوں میں سمندر باندھے

کون لفظوں کے مزاروں پہ نئے پھول رکھے

کون سایوں کو تلاشے یہاں قندیل لیے

ابرہہ کعبہ کی دیوار کے سائے میں جلے

کانچ کی چوڑیاں بجتی ہیں لہو کی تہہ میں

waqt ki ret pe suraj ne lahu thuka phir

saaten kora ke daghon mein naha kar niklen

machhliyan lams ke hathon mein ghari bhar na ruken

haddiyan khwab ke kutton ne chabaen shab bhar

hijraten apne muqaddar mein lahu chehra hain

kaun khamyaza bhugatne ki salakhen chate

kaun zanjir ke halqon mein samundar bandhe

kaun lafzon ke mazaron pe nae phul rakhe

kaun sayon ko talashe yahan qindil liye

abraha kaaba ki diwar ke sae mein jale

kanch ki chauriyan bajti hain lahu ki tah mein