لفظ کی چھاؤں میں

لفظ کی چھاؤں میں

نیم کی پتیوں کا سفر تلخ سا

سیلنی جسم میں روح بے چین بھی

شہریت کے تقاضے جو ٹوٹے کبھی

زندگی کے عمل میں بھی شک آ پڑا

ٹوٹ کر کس طرح جڑ گئی چاندنی

دھوپ لمحوں کے چہروں سے گرتی ہوئی خاک میں جا ملی

سر جھکائے ہوئے کون سڑکوں پہ یوں تجھ کو ڈھونڈا کرے

ہم کلامی کی عزت کا بادل سدا سر پہ سایہ فگن

جب تیری خامشی کے معانی کے ہونٹوں سے ٹپکے ہوئے

دودھ کے چند قطرے سمندر بنے

بادبانوں کے آغوش کھولے ہوئے کشتیاں چل پڑیں

تشنگی کے جزیروں پہ سایہ کہاں

صبح کا موم پگھلا تو خوابوں کے دل بجھ گئے

بجھ گئی رات بھی

بجھ گئی لفظ کے ہاتھ کی بات بھی

لفظ میدان میں سرنگوں رہ گئے

سنگساری کی لذت لہو بن گئی

کون پوشیدہ جذبوں کی چلمن بنے

لفظ کی چھاؤں میں کوئی سورج ڈھلے

lafz ki chhaon mein

nim ki pattiyon ka safar talkh sa

silani jism mein ruh be chain bhi

shahriyyat ke taqaze jo tute kabhi

zindagi ke amal mein bhi shak a para

tut kar kis tarah jur gai chandni

dhup lamhon ke chehron se girti hui khak mein ja mili

sar jhukae hue kaun sarkon pe yun tujh ko dhunda kare

ham kalami ki izzat ka badal sada sar pe saya fagan

jab teri khamushi ke maani ke honton se tapke hue

dudh ke chand qatre samundar bane

badbanon ke aghosh khole hue kashtiyan chal paren

tishnagi ke jaziron pe saya kahan

subh ka mom pighla to khwabon ke dil bujh gae

bujh gai rat bhi

bujh gai lafz ke hath ki bat bhi

lafz maidan mein sarnigun rah gae

sangsari ki lazzat lahu ban gai

kaun poshida jazbon ki chilman bane

lafz ki chhaon mein koi suraj dhale