سیاہ چاند کے ٹکڑوں کو میں چبا جاؤں

سیاہ چاند کے ٹکڑوں کو میں چبا جاؤں

سفید سایوں کے چہروں سے تیرگی ٹپکے

اداس رات کے بچھو پہاڑ چڑھ جائیں

ہوا کے زینے سے تنہائیاں اترنے لگیں

سجائے جائیں چھتوں پر مری ہوئی آنکھیں

پلنگ ریت کے خوابوں کے ساتھ سو جائے

کسی کے رونے کی آواز آئے سورج سے

ستارے غار کی آنتوں میں ٹوٹتے جائیں

میں اپنی قینچی سے کاغذ کا آسماں کاٹوں

نحیف وقت کی رانوں پہ خواہشیں رینگیں

لہو کا ذائقہ دانتوں میں مسکرانے لگے

اگر یہ ہاتھ مری پیٹھ پر چپک جائیں

سیاہ چاند کے ٹکڑوں کو میں چبا جاؤں

siyah chand ke tukron ko main chaba jaun

safed sayon ke chehron se tirgi tapke

udas rat ke bichho pahar charh jaen

hawa ke zine se tanhaiyan utarne lagen

sajae jaen chhaton par miri hui ankhen

palang ret ke khwabon ke sath so jae

kisi ke rone ki awaz ae suraj se

sitare ghar ki anton mein tutte jaen

main apni qainchi se kaghaz ka asman katun

nahif waqt ki ranon pe khwahishen rengen

lahu ka zaiqa danton mein muskurane lage

agar ye hath miri pith par chapak jaen

siyah chand ke tukron ko main chaba jaun