سیاہ سایوں کی تشنگی میں

سیاہ سایوں کی تشنگی میں

اداس لمحوں کو ساتھ رکھو

شکستہ لفظوں کے ساحلوں پر

سفید جھاگوں میں عکس ڈھونڈو

کھنڈر کی بوسیدگی میں چھپ کر

پرانی یادوں کے ہونٹ چومو

خلا کے شانوں پہ ہاتھ رکھ کر

سیاہئ شب کی زلف سونگھو

سحر کی نازک ہوا کی اجلی کلائی پکڑو

بدن کی پیلی برہنگی کو بیان کر دو

siyah sayon ki tishnagi mein

udas lamhon ko sath rakho

shikasta lafzon ke sahilon par

safed jhagon mein aks dhundo

khandar ki bosidagi mein chhup kar

purani yadon ke hont chumo

khala ke shanon pe hath rakh kar

siyahi-e-shab ki zulf sungho

sahar ki nazuk hawa ki ujli kalai pakro

badan ki pili barahnagi ko bayan kar do