اداسی کے پیلے درختوں کی شاخوں سے چپکے ہوئے

اداسی کے پیلے درختوں کی شاخوں سے چپکے ہوئے

سبز پتوں میں تیرا تجسس

مرے جسم کی ٹوٹتی سرحدوں پر

خیالوں کے سایوں کو رسوا کرے گا

کنویں کے اندھیرے کی بھیگی ہوئی

جامنی آنکھ کی گول چکنائی کے

سرخ خوابوں کے اندر

جواں لمس کے ایک جنگلی کبوتر کے

پھیلے ہوئے پر افق کو چھویں گے

مجھے بند کمرے میں بیٹھا ہوا دیکھ کر

گول کھڑکی کے شیشوں پہ

بارش کے قطروں کی آنکھیں کھلیں گی

کوئی مرمریں ہاتھ ٹھنڈی ہوا میں

مجھے اپنی جانب بلائے گا لیکن

مجھے خوف ہے تیرا پیلا تجسس

سمندر پہ پھیلی ہوئی سورجی شام کی سیڑھیوں سے

تجھے خودکشی کی طرف لے نہ جائے

udasi ke pile darakhton ki shakhon se chupke hue

sabz patton mein tera tajassus

mire jism ki tutti sarhadon par

khayalon ke sayon ko ruswa karega

kuen ke andhere ki bhigi hui

jamani ankh ki gol chiknai ke

surkh khwabon ke andar

jawan lams ke ek jangli kabutar ke

phaile hue par ufuq ko chhawen ge

mujhe band kamre mein baitha hua dekh kar

gol khirki ke shishon pe

barish ke qatron ki ankhen khulengi

koi marmarin hath thandi hawa mein

mujhe apni janib bulaega lekin

mujhe khauf hai tera pila tajassus

samundar pe phaili hui suraji sham ki sirhiyon se

tujhe khudkushi ki taraf le na jae