گول کمرے کو سجاتا ہوں تکونی خواہشوں سے

گول کمرے کو سجاتا ہوں تکونی خواہشوں سے

کالی دیواروں پہ

تیرے جسم کی چوکور خوشبو ٹانگ دی ہے

نیلی چھت پہ

دودھیا خوابوں کے جلتے قمقمے لٹکا دیے ہیں

کھڑکی کے شیشوں پہ

پیلی روح کے سایوں کو چسپاں کر دیا ہے

ننگے دروازے کو

اندھی آرزو کا پیرہن پہنا دیا ہے

گونگے بستر پر

نئی تنہائی کی چادر بچھا کر

سونے کی کوشش کروں گا

دیرینہ محرومیوں کے جنگلوں میں

کھونے کی کوشش کروں گا

gol kamre ko sajata hun tikoni khwahishon se

kali diwaron pe

tere jism ki chaukor khushbu tang di hai

nili chhat pe

dudhiya khwabon ke jalte qumqume latka diye hain

khirki ke shishon pe

pili ruh ke sayon ko chaspan kar diya hai

nange darwaze ko

andhi arzu ka pairahan pahna diya hai

gunge bistar par

nai tanhai ki chadar bichha kar

sone ki koshish karunga

derina mahrumiyon ke jangalon mein

khone ki koshish karunga