رات کے آخری حصے کی سیاہی گہری

رات کے آخری حصے کی سیاہی گہری

ہاتھ کو ہاتھ سجھائی نہیں دیتا پھر بھی

خواب میں لپٹے ہوئے اندیشے

نیند کے غار میں جاگی آنکھیں

گہری گہرائی میں دھیرے سے اترتا پانی

سہما سہما ہوا ڈرتا پانی

پانی یخ بستہ وضو کا پانی

اور خوشبو کے مصلے پہ کوئی سر بہ سجود

خود کلامی کی گھڑی

کپکپاتے ہوئے ہونٹوں پہ تھرکتا ہوا نام

ایک اک لمحے کی آنکھوں میں نمی

ہاتھ اٹھتے ہیں خلاؤں میں دعا دامن گیر

عرش کے نیچے سے چلتے ہیں ہوا کے جھونکے

آسمانوں میں عیاں ہیبت صبح کاذب

نور کی پہلی کرن پھوٹے افق سے آمین

rat ke akhiri hisse ki siyahi gahri

hath ko hath sujhai nahin deta phir bhi

khwab mein lipte hue andeshe

nind ke ghar mein jagi ankhen

gahri gahrai mein dhire se utarta pani

sahma sahma hua darta pani

pani yakh basta wuzu ka pani

aur khushbu ke musalle pe koi sar ba sujud

khud kalami ki ghari

kapkapate hue honton pe thirakta hua nam

ek ik lamhe ki ankhon mein nami

hath uthte hain khalaon mein dua daman gir

arsh ke niche se chalte hain hawa ke jhonke

asmanon mein ayan haibat subh-e-kazib

nur ki pahli kiran phute ufuq se amin