جسم کو خواہش کی دیمک کھا رہی ہے

جسم کو خواہش کی دیمک کھا رہی ہے

نیم وحشی لذتوں کی

ٹوٹتی پرچھائیاں

آرزو کی آہنی دیوار سے ٹکرا رہی ہیں

درد کے دریا کنارے

اجنبی یادوں کی جل پریوں کا

میلہ سا لگا ہے

ان گنت پگھلے ہوئے

رنگوں کی چادر تن گئی ہے

پربتوں کی چوٹیوں سے

ریشمی خوشبو کی کرنیں پھوٹتی ہیں

خواب کی دہلیز سونی ہو گئی

دھوپ کے جنگل میں سورج کھو گیا ہے

بادلوں کی میلی چادر پر

تیری آواز کا

گھائل ستارہ

سو گیا ہے

jism ko khwahish ki dimak kha rahi hai

nim wahshi lazzaton ki

tutti parchhaiyan

arzu ki ahani diwar se takra rahi hain

dard ke dariya kinare

ajnabi yadon ki jal pariyon ka

mela sa laga hai

an ginat pighle hue

rangon ki chadar tan gai hai

parbaton ki chotiyon se

reshmi khushbu ki kirnen phutti hain

khwab ki dahliz suni ho gai

dhup ke jangal mein suraj kho gaya hai

badalon ki maili chadar par

teri awaz ka

ghayal sitara

so gaya hai