عینک کے شیشے پر سرکتی چیونٹی

عینک کے شیشے پر سرکتی چیونٹی

آگے کے پاؤں اوپر ہوا میں اٹھا کر

پچھلے پاؤں پر کھڑی

ہنہناتی ہے گھوڑے کی طرح

عینک کے نیچے دبے اخبار میں

دو ہوائی جہاز ٹکرا جاتے ہیں

مسافروں سے لدی اک کشتی الٹ جاتی ہے

ایک بس کھائی میں گر پڑتی ہے

پانچ بوڑھے فقیر سردی سے مر جاتے ہیں

کوئلہ کان میں پانی بھر جاتا ہے

ریڈیو پکارتا ہے پچیس پیسے میں تین

عینک کا شیشہ صاف کرتی چیونٹی

آہستہ سے آگے بڑھ جاتی ہے

ainak ke shishe par sarakti chiyunti

age ke paon upar hawa mein utha kar

pichhle paon par khari

hinhinati hai ghore ki tarah

ainak ke niche dabe akhbar mein

do hawai jahaz takra jate hain

musafiron se ladi ik kashti ulat jati hai

ek bas khai mein gar parti hai

panch burhe faqir sardi se mar jate hain

koila kan mein pani bhar jata hai

redew pukarta hai pachchis paise mein tin

ainak ka shisha saf karti chiyunti

ahista se age barh jati hai