اس کے زہری ہونٹ کالے پڑ گئے تھے

اس کے زہری ہونٹ کالے پڑ گئے تھے

اس کی آنکھوں میں

ادھوری خواہشوں کے دیوتاؤں کے

جنازے گڑ گئے تھے

اس کے چہرے کی شفق کا رنگ

گھائل ہو چکا تھا

اس کے جلتے جسم کی خوشبو کا سورج

پربتوں کی چوٹیوں سے نیچے گر کر

ٹکڑے ٹکڑے ہو چکا تھا

اس کی چھاتی پر

سلگتے چاند کے سایوں کے پتھر

راستہ روکے کھڑے تھے

اس کے جلتے جسم کے جھلسے ہوئے صحرا میں

پیلی حسرتوں کے آسماں

پیاسے پڑے تھے

بند کمرے میں

مری موجودگی سے ڈر گئی تھی

وہ مر گئی تھی

us ke zahri hont kale par gae the

us ki ankhon mein

adhuri khwahishon ke dewtaon ke

janaze gur gae the

us ke chehre ki shafaq ka rang

ghayal ho chuka tha

us ke jalte jism ki khushbu ka suraj

parbaton ki chotiyon se niche gir kar

tukre tukre ho chuka tha

us ki chhati par

sulagte chand ke sayon ke patthar

rasta roke khare the

us ke jalte jism ke jhulse hue sahra mein

pili hasraton ke asman

pyase pare the

band kamre mein

miri maujudgi se dar gai thi

wo mar gai thi