وقت کی پیٹھ پر

وقت کی پیٹھ پر

کچے لمحوں کے دھاگوں میں لپٹا ہوا

شہر کی سیڑھیوں پر سرکتا ہوا

نت نئے

خودکشی کے طریقوں کا موجد بنا

حبشی راتوں کے جنگل میں بکھری ہوئی

لمس کی ہڈیاں

چن رہا ہوں نہ جانے میں کس کے لیے

جب مرے نام کے لفظ تنہا تھے لوگو

تمہیں سرخ ہونٹوں کی خیرات

کیسے ملی یہ بتاؤ

ریفریجیٹر میں رکھی ہوئی طشتری میں

مری دونوں آنکھیں برہنہ پڑی تھیں

وہاں تک کسی خواب کے ہاتھ پہنچے نہیں

کبوتر کی آنکھوں میں

ٹوٹے ہوئے آسمانوں کا تنزل نہ دیکھو

بدن کے شکستہ کھنڈر سے نکل بھاگنے کے لیے پھر

تمہاری مدد کی ضرورت ہے مجھ کو

waqt ki pith par

kachche lamhon ke dhagon mein lipta hua

shahr ki sirhiyon par sarakta hua

nit nae

khudkushi ke tariqon ka mujid bana

habshi raton ke jangal mein bikhri hui

lams ki haddiyan

chun raha hun na jane mein kis ke liye

jab mire nam ke lafz tanha the logo

tumhen surkh honton ki khairat

kaise mili ye batao

refrejetar mein rakhi hui tashtari mein

miri donon ankhen barahna pari thin

wahan tak kisi khwab ke hath pahunche nahin

kabutar ki ankhon mein

tute hue asmanon ka tanazzul na dekho

badan ke shikasta khandar se nikal bhagne ke liye phir

tumhari madad ki zarurat hai mujh ko